Kunnik nemi na joen komn

Moooo, kunnik nemi na joen komn! Want iederièn bluuft i ze kot.

(Ik kan niet meer naar je toe komen, want iedereen blijft in zijn kot.)

Tijdens de verplichte corona-quarantaine nam Katrien Verfaillie het West-Vlaamse lied Kunnik nemi na joen komn op, samen met Raf Walschaerts van Kommil Foo en Walter Janssens. De melodie is vooral bekend van het beroemde liedje Het Dorp van Wim Sonneveld. De zangeres komt uit Stavele in de Westhoek.

De volledige tekst vind je hieronder.

‘k Weetn ik nog goed ê tied êlee,
Iederiè keek na den teevee,
’t Werd toen ol veel over verteld.
Da Vlièrmusvirus va Wuhan,
in iène ki kwam dat deran,
me moeder emme toen êbeld.
Katrien wost zièr eki je nann
en doet ê moendmaskertjen an,
’t noèdlot is ier oek toe êsloa!
Mo ’t wos toch ièn of andern typ,
die zei ’t is mor e simpeln griep,
je moe toch niet benauwd zie

Moooo, kunnik nemi na joen komn!
Want iederièn bluuft i ze kot.
’t Zie roare tiedn va Corona,
mo mens, mor is dat toch etwot!

De menschn sloegn in paniek!
Van Ranst kreeg hièlega geliek.
Italië stoend op nummer iè!
De ski-vacance wos edoan,
stoen je te dicht vann Italioan,
wê j’addet a je bièn!
En oeste en e zièrn kop,
hièl vele kurs der bovenop,
in iène ki gin oastm mi!
E weke loater lig j’op ’t spoed,
dokteurs die zegn ’t i nie goed,
Mo vint ik zoe benauwd zie!

Refrein

’t Is lik nn oèrlog va welièr,
da doe voe vele menschn zièr,
nunder routine zie ze kwiet.
Der komt gi geld nie mi na binn,
die vule ziekte ist ant winn,
de wèreld die deroender liedt!
Juuste dien Trump at tnie verstoa,
teegn te Poashn wost edoa,
e kustn me were erbegunn.
Terwijl dat ’t zorgnd personièl,
ant vechtn is voer ieder dièl,
mo moe zieder benauwd zie!

Refrein

Nuus oar wordt griest e veel te lank,
me zien nog eevn preus pertank,
me wiln zo gêrn na de ziè!
De joentjes misn nunder moatn,
je kut dat azo agliek nie loatn,
versoepeln go ze toch e kiè!
Lat uus mo bluuvn i nuus kot,
zodat de curve daalt biegod,
zodamm ê schoènn zomer ê.
En toe gomm daansn in de stroatn
en toe gomm knuffeln me nuus moatn
en toe…
Raf, moe wieder toe nog benauwd zie peis je?
Raf: “’k peisnt ik lik nie!
En gie Walter? Wuk peis je gie?
Walter: “Bê nim zeker?
Toe moem nemi benauwd zie!

Ooooo, ‘k gon ik toe rap na joen komn!
Toe meug me were uut uus kot.
At oal êdoan is mê Corona,
ku nuus geluk ni mi kapot!